HASI GARA LANEAN

Atzo iritsi nintzen Viedmara eta harrera beroa eginez ongietorria eman zidaten! Milesker Miguel Angel eta Borja ("Negrita")!
ETXEPARE Euskal institutoari esker, eskoletarako materiala (liburuak, DVDak, CDak...) ekarri diegu Euskal Etxeetan egiten duten lan izugarriaren errekonozimendu eta laguntza gisa. Hala, arratsalderako, Rocio eta biok Euskal Etxean geunden helduen saioak aurrera eramateko prest, eta iluntzerako "Una esvastica sobre el Bidasoa" dokumentala ikusi genuen han bildutakoak. Tartean, afaltzeko hanburgesak prestatu zizkiguten, eta bukaera polita eman genion egunari Matias Jaureguy Historialariaren azalpen eta hausnarketekin, dokumentala amaitu zenean.
Asteburuan, helduen 15eko talde batekin barnetegi batera joango gara ekintza desberdinak egitera eta disfrutatzera, beti ere Euskara ardatza izanik!

ABENTURA HASTERA DOA

Kaixo denoi,

Bidaiaren aurreko azken egunak urduri samar pasa arren, herenegun ekin nion bidaiari. Bilbotik Madrilera, ta handik Buenos Airesera. Hegaldi orduak kontuan hartuta, nahiko ondo iritsi nintzen tangoaren hiriburura. Bertan, Anderren laguntza ta gestioei esker, bertakoen laguntza izan nuen hotel batetara eramateko. Eta, ia 24 orduz gora eta behera hiriburuan pasa ondoren, oraintxe abiatzen naiz Viedmara. "Patagonia Euskalduntzen" proiektua abiatzera doa!

Flemingen bloga egiten

Asteartean banoa Argentina aldera, eta Jon irakaslearen laguntzari esker, bloga sortzen ari gara. Era horretan, hango ibileren berri jakiteko aukera izan dezazuen.